🙏

गिरिराजधार्याष्टकम्

Girirajadharya Ashtakam

स्तोत्र · 🦚 श्री कृष्ण · Sanskrit · ⏱ 1 min

अन्य नाम · Also known as गिरिराजधार्याष्टकम् · Girirajadharya Ashtakam

भक्ताभिलाषाचरितानुसारी दुग्धादिचौर्येण यशोविसारी ।
कुमारतानन्दितघोषनारी मम प्रभुः श्रीगिरिराजधारी ।।१।।
व्रजांगनावृंदसदाविहारी अंगैर्गुहागारतमोपहारी ।
क्रीडारसावेशतमोडभिसारी मम प्रभुः श्रीगिरिराजधारी ।।२।।
वेणुस्वनानंदितपन्नगारी रसातलानृत्यपदप्रचारी ।
क्रीडन् वयस्याकृतिदैत्यमारी मम प्रभुः श्रीगिरिराजधारी ।।३।।
पुलिन्ददाराहितशम्बरारी रमासदोदारदयाप्रकारी ।
गोवर्धनेकन्दफलोपहारी मम प्रभुः श्रीगिरिराजधारी ।।४।।
कलिन्दजाकूलदुकूलहारी कुमारिकाकामकलावितारी ।
वृन्दावने गोधनवृन्दचारी मम प्रभुः श्रीगिरिराजधारी ।।५।।
व्रजेन्द्रसर्वाधिकशर्मकारी महेन्द्रगर्वाधिकगर्वहारी ।
वृन्दावने कन्दफलोपहारी मम प्रभुः श्रीगिरिराजधारी ।।६।।
मनःकलानाथतमोविदारी बंशीरवाकारिततत्कुमारिः ।
रासोत्सवोद्वेल्लरसाब्धिसारी मम प्रभुः श्रीगिरिराजधारी ।।७।।
मत्तद्विपोदामगतानुकारी लुंठत्प्रसूनाप्रपदीनहारी ।
रामोरसस्पर्शकरप्रसारी मम प्रभुः श्रीगिरिराजधारी ।।८।।
॥ इति श्रीमद्वल्लभाचार्यविरचितं गिरिराजधार्याष्टकम् सम्पूर्णम् ॥

स्रोत · Source

गुजराती विकिस्रोत — "गिरिराजधार्याष्टकम्" (ગિરિરાજધાર્યાષ્ટકમ્), Aarti Bhajan Stotra.pdf, संस्करण 204059. मूल गुजराती लिपि से देवनागरी में लिप्यंतरित। CC BY-SA 4.0.
Gujarati Wikisource — devotional collections · Creative Commons BY-SA
Text from Gujarati Wikisource (gu.wikisource.org), used under CC BY-SA 4.0. The exact page, scan and revision are recorded with each text.

#wikisource #gujarati